تاريخ الاضافة
الإثنين، 12 أبريل 2010 07:48:00 م بواسطة المشرف العام
0 494
الله لا يهينك
يا زمـن خلّهـا بينـي وبينـك
دمعةٍ كـل مـا امسحهـا تعـود
دام قلبـي معلّـق فـي يدينـك
وش بلى الصمت فشفاتك يسـود
كلمةٍ منك مـا تجـرح سنينـك
لا تعاهـد وتخلـف فالعـهـود
دامك السجن واحساسي سجينـك
شوف كيـف اتعبتنـي هالقيـود
كـل حلـمٍ دفنتـه بـك يدينـك
من صحاري جفافـك للـورود
مـا طلبتـك تخلينـي بعيـنـك
دون نقصك مابي منّـك تـزود
يا زمن والقسـاوه غيـر لينـك
وش بلى البيض صارن فيك سود
ماانت محتاج لاحـزانٍ تعينـك
قسوتك ذي مـا تبغـى شهـود
خلنـي بـس والله لا يهيـنـك
اتـوّحـد بكيـفـي فالـوجـود
ومن سألني وقال: شفيك وينك ؟
قلت : محسود بعيـون الحسـود
وحدتي دين وانت تسـد دينـك
ورغم هذا ترى ما انت محـدود
تصخي بشينك وما اشوف زينك
كـن مـا بيننـا ذبحـة جـدود
خلّها يـا زمـن بينـي وبينـك
دمعةٍ كل مـا طاحـت تعـود !
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث494
جميع الحقوق محفوظة لبوابة الشعراء .. حمد الحجري ©