تاريخ الاضافة
الإثنين، 12 أبريل 2010 07:50:03 م بواسطة المشرف العام
0 651
فواتير الغلا
الليـل يبكـي والنجـوم دمـوعـه
متناثره في صـدر سقـفٍ عالـي
والقلب له صرخـة ألـم مسموعـه
لمّـت علـي الاولــي والتـالـي
كل الهمـوم اليـوم بـي مجموعـه
تنازعتـنـي وابـتـدا غربـالـي
ياللي غرامـك مـا يلاقـى نوعـه
اشغلت قلبـي وانشغـل بـك بالـي
سببت لـك لوعـه بعدهـا لوعـه
اشقيت حالك وانشقـى بـك حالـي
جيتك وانا قلبـي تـذوب شموعـه
واثري طعنتـك يالحبيـب الغالـي
سميـت لا قلبـك تصيبـه روعـه
من حيرتي مـن لهفـةٍ تبـرا لـي
ورود حبـك فالحشـا مـزروعـه
ذبلت وماتت مـن سبـب إهمالـي
اعطش لصوتك لاهمـس واجوعـه
وان غاب صوتك ويش اجل يبقى لي
بـك عـالـمٍ يلفـنـي بالـروعـه
اشـرب ولا اهـز بيـدي فنجالـي
واللي جعـل سبـعٍ لنـا مرفوعـه
انـك هنـا ياغايـتـي وامـالـي
في وسط قلبـي سيرتـك مطبوعـه
مـن معرفتنـا للزمـان الحـالـي
لكـن فواتيـر الـغـلا مدفـوعـه
واللي حصـل كلـه نتـاج هبالـي
حلفـت قلبـك مـا يهـل دموعـه
وانـا معـك وانـا معـك ياغالـي
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث651
جميع الحقوق محفوظة لبوابة الشعراء .. حمد الحجري ©