تاريخ الاضافة
الإثنين، 12 أبريل 2010 07:50:44 م بواسطة المشرف العام
0 480
دمعة حزين
باقي على القلب تنهيدة ودمعـة حزيـن
ويهج بيـن الضلـوع يـدوّر اخبارهـا
ست الترف والشرف فيها الصباح المُبين
لا طارت طيور قلبي واخلت اوكارهـا
يوم تعبتْ قلت للضيقة : ورى ما تجين ؟
عندي مكانك .. وحلّي عن سما دارهـا
ما ودي يطيح دمع ولا يسولـف أنيـن
عنها وينبش خفاياهـا علـى اسرارهـا
حبيبتي لو تسيل مـن المدامـع سنيـن
أهديت لك من سنينـي باقـة ازهارهـا
لكنه الوقت لـو يقسـى مصيـره يليـن
تركض لياليه ما تدري عـن اوزارهـا
يفداك قلبٍ تبقـى فيـه دمعـة حزيـن
والا التناهيد ... يمكن جت لك اخبارها
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث480
جميع الحقوق محفوظة لبوابة الشعراء .. حمد الحجري ©