تاريخ الاضافة
الإثنين، 12 أبريل 2010 07:55:02 م بواسطة المشرف العام
0 752
أخت القمر
أخت القمر بنت السحـاب المزابيـر
بنت اخي الشمس وسوالف سفرهـا
فيها نعـاس يطيّـر النـوم تطييـر
لا بلّلـت خـدي غمايـم ثغـرهـا
الريح تاخذ مـع شعرهـا مشاويـر
روحه وجيّه ليـن تربـط شعرهـا
والعطر مدري ليه سـاق المعاذيـر
خجلان منها يـوم مـر ف نحرهـا
إن لبستْ اسود جت تسوق التباشيـر
مثل الليال البيض لا اجهـر قمرهـا
وان لبستْ احمر قلت يا طاري الخير
معذور قلبي كـان راح ف خبرهـا
هي مزهريـة ورد مـدري نواويـر
في روضةٍ تبكي ويضحـك زهرهـا
مياسـةٍ مـا مثلهـا فـي الغناديـر
لو صدرها مـرات يتعـب ظهرهـا
لامن مشت ماعاد تدري وش يصير
فالخطوه اللي من قصرهـا قصرهـا
وان وقفت تاقف عليهـا العصافيـر
شافت غصون وجت تـدوّر ثمرهـا
هي غير حتى لو زعل مني الغيـر
ما غيرها لو غيرها جـا ب اثرهـا
فيها من الغيـره جنـون الأساطيـر
ومن الولـه فينـي قصيـدٍ غمرهـا
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث752
جميع الحقوق محفوظة لبوابة الشعراء .. حمد الحجري ©