تاريخ الاضافة
الإثنين، 12 أبريل 2010 07:56:14 م بواسطة المشرف العام
0 512
كرهت نفسي
كرهت نفسـي كثـر كرهـي لفقـري
ولو يكره الإنسان نفسه وش يصيـر ؟!
تململـت فينـي مشـاويـر عـمـري
والسالفـة مـا عـاد فيهـا معـاذيـر
إي والله اني ضقت .. وش ذنب شعري
جرّيتـه لبحـر الحـزن دون تبـريـر
صحيح طاحت دمعتـي بـس عـذري
إن الدموع تقول لـي سـرك فبيـر !!
ناديت صبري قلـت محتـاج صبـري
محتاج لك .. جاوبني : وخير يا طير !!
ما عاد اشوف بهالزمـن شـي يغـري
طاحت سنينه فـوق روس المناعيـر !
والبسمة اللي بعـض الاحيـان تسـري
فوق الشفايـف صدقهـا فيـه تزويـر
أعيتنـي الضيقـة وسلمتهـا امــري
يمكنهـا تقصـر عـلـي المشـاويـر
يـا ليتنـي عـن مقبـل ايامـي ادري
أو ليتني ... أو ليتني .. توي صغيـر !
ما كان عشت الجرح والحـزن عبـري
ولا حسبـت حسـاب لعـب المقاديـر
هذا التعـب مكتـوب والضيـق مقـري
والسالفة طالـت وانـا مانـي بخيـر !
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث512
جميع الحقوق محفوظة لبوابة الشعراء .. حمد الحجري ©