تاريخ الاضافة
الأربعاء، 14 أبريل 2010 10:54:51 م بواسطة المشرف العام
0 496
الطفل الصغير
وش اكتب والقصايد نار وضلوعي حطبها جلال
وريح الوقت هبّـت والمشاعـر مالهـا تالـي
عليك الله يابـو قلـبٍ كبيـر تحقـق الأمـال
واشوفك لا انشغل بالي ويصبح ما انشغل بالـي
تشرّفت بجنوني فيـك وانـت مجنّـن العقـال
ولا لي عنك يا الطفل الصغير المترف السالـي
شبيهك فالسما ما يشبهك لـو تشبهـه فاحـوال
ولايشبهك منه ألا انـه اللـي فالسمـا عالـي
أحبك وان بغيت الصدق حبك فالحنايـا سـال
مثل سيلٍ جرى يحيي الهشيـم الدمـدم البالـي
لو المح في عيونك يا عيوني ضحكـة تختـال
نسيت اللي جرالي واحتضنتك يا اعظم امالـي
حسدت الخاتم اللي في يمينك واحسد السلسـال
واحسدك في مرايتك ان لبست وجيت متعالـي
محبة كل خلق الله لحال وحبـك انـت لحـال
محبتهم مرار وحبـك انـت البلسـم الحالـي
ترى كثر اهتمامك في حبيبك عكسـه الإهمـال
وانا مـا اقـول مهملنـي ولا تتعمـد اهمالـي
ولكن حط في بالك ترى مـا يذبـح الرجـال
سوى قل الوصال وغالـيٍ مـا سيّـر لغالـي
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث496
جميع الحقوق محفوظة لبوابة الشعراء .. حمد الحجري ©