تاريخ الاضافة
الأربعاء، 14 أبريل 2010 10:55:29 م بواسطة المشرف العام
0 475
اتجاوز حدودي
حبيبي والسهر دمعـه وجفنـي للسهـر شبّـاك
وطيفك غيمـةٍ مـرّت سمـاي بكـل عفويّـه
احبك / قل معي أمين / يا جعلي أمـوت فـداك
لأنك كل ما املك في حياتـي / واكثـر شويّـه
أحبك كثر مـا تكـذب علـي بسالفـة لقيـاك
واحبـك كثرمـا تربـت علـى قلبـي بحنيّـه
انا بسألك لو جف البحر وش حيلة الأسماك !!
بجاوب عنك لو تسمح / تمـوت ومالهـا ديّـه
تصدق من كثر ما احبك اتوقـع كـذا بانسـاك
غريبـه !! صـح / لكنـي باخليهـا طبيعيـه
تخيّل كل يوم اسهر/انام / اصحى / على ذكراك
وانا اسولف مع اصحابي أشوفك تحضن يديّـه
وانا اطالع وجيه الناس اشوفك بيـن ذاك وذاك
وانا جالس لحالي مـا معـي غيـرك حواليّـه
تخيّل بعدها لا صرت اسولف لك وانـا ويّـاك
بافكر فيك والا فيـك جاوبنـي ؟ علـى ذيّـه
لأني وبصراحه ميت بهمسك وضحـك شفـاك
أخـاف فحبـك اتجـاوز حـدودي الائتمانيـه
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث475
جميع الحقوق محفوظة لبوابة الشعراء .. حمد الحجري ©