تاريخ الاضافة
الأربعاء، 14 أبريل 2010 10:58:37 م بواسطة المشرف العام
0 512
سرحان عبدالصبور
لو ينفض الليل جنحان الظـلام ويطيـر
يتسلل النور لو ما بـان وضـح النهـار
دام الضرير يتقدى فـي يديـن الضريـر
يا سرع طيحة حداهم والعصا للوقـار !
الأول /الأول /الأول / بعكـس الأخيـر
غصب الأخير يتأخر عنه لاخـر مسـار
لو العرب كلها ( سرحان عبد البصيـر )
عيّا المحامي يحامـي والدعـاوي دمـار
واد الرشا لو يسيل يطيب سـوق البعيـر
وان جفّ واد الرشا ما زاد سعر الحمار!
فالاوله ترخص الدنيا وكيـس الشعيـر !
وفالثانيه صلـوا استسقـا فكـل الديـار
(دلال عبدالعزيز ) موالفه مـع (سميـر)
حياتهـم مستمـره مـن مطـار لمطـار
وماهوب شرط الملك يسمع كلام الأميـر
حتى لـو ان الأميـر بمرتبـة مستشـار
من بعد ما فاز ( بوش ) اللي يريده يصير
فايّات ) ساعه بكيفه لو يصـدّر قـرار
والا انت ياللي يدينـك تستفـز الحريـر
مافيه غيرك شغل قلبـي ولا شـب نـار
لن الكبيـر يتكابـر والصغيّـر صغيـر
والحلم عكس الغضب والسر عكس الجهار
والعز ما يلبسه رجـلٍ مـن اول حقيـر
والذل ما هو من صفات الرجال الحـرار
عمر الغني ما حسد فالمال شخصٍ فقيـر
والنـار دايـم بدايتهـا يكـون الشـرار
من حسن حظ ( النمل ) ماله جناح ويطير
وهنا ابتسامـه باعلّقهـا بوجـه النهـار
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث512
جميع الحقوق محفوظة لبوابة الشعراء .. حمد الحجري ©