تاريخ الاضافة
الأربعاء، 14 أبريل 2010 10:59:15 م بواسطة المشرف العام
0 766
الحب الكبير
ما يبّس غصـون الغـرام الا عنـادي مـع جفـاك
والشـك والحـب الكبيروسالـفـة قـلـبٍ يبـيـك
واحلى ثلاث سنين مرّت مـن حياتـي فـي سمـاك
خلتنـي اتنفـس هـواك وقبلـهـا اقـبّـل يـديـك
والسالفه يا ليتها ( welcome ) ومعها قول (back )
السالفـه فرقـا قلـوب وبعـد لكـن مـا علـيـك
انا ادري ان الحب مـا بيـن المحانـي مـا خفـاك
وادري بأنـه مـا يجـي لـه حاجـةٍ ممـا لديـك
لكن على فكـره تـرى قلبـي بمـا يملـك شـراك
وحاجـه طبيعيـه اذا قلبـي يـحـاول يشتـريـك
انتـي عطيتينـي وانـا رجـال واقـدّر عـطـاك
وانـا بعـد معطيـك روحٍ كـل ساعـه تفتـديـك
لبّـا غـلاك وضحكتـك ألا بـعـد لـبّـا شـفـاك
ولبّا دمـوعٍ كلمـا طاحـت همسـت امـوت فيـك
غـلاك هـذا لـو تعرفينـه وش يسـوّي غــلاك
سامحتي اللـي غلطتـه إنـه يمـوت وهـو يبيـك
وانـا اعتقـد لا لا انـا متأكـد ان اللـي حــداك
للبعـد شـيٍ مـا تطيقيـنـه وحــزنٍ يكتسـيـك
لكن عـزاي انـك عرفتـي داخلـي وش مستـواك
ومانيب قايـل إسألينـي بـس اقـول لـك اسأليـك
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث766
جميع الحقوق محفوظة لبوابة الشعراء .. حمد الحجري ©