تاريخ الاضافةتاريخ التعديل
الجمعة، 16 أبريل 2010 11:00:19 ص بواسطة عبد العلي فيلالي بالحاجالسبت، 21 مارس 2015 05:48:57 م بواسطة عبد العلي فيلالي بالحاج
0 540
ما تمشيش
الله يْخَلِّيكْ مَا تَمْشِيشْ
ايْلاَ مْشِيتِي كِيفْ نْعِيشْ
أَنَا قَلْبِي رْهِيفْ وَهْشِيشْ
وَجْهِي عَنْدَكْ تْظَلّْ مْعَايَا
اخْتَرْتَكْ مَا بِينْ الأُلُوفْ
وْقَفْتْ قُدَّامْ نَاسِي وَالْخُوفْ
دَرْتْ لِّي مَاهُوَّاشِي مَأْلُوفْ
تْجَازِينِي تْسَبَّبْ شْقَايَا
الَهْوَى تِقَة وْعَطْفْ وْحَنَانْ
وَبْحَرْ زَاخَرْ مَوَدَّة وَاحْسَانْ
ضَنِّيتَكْ ليا بَرّْ الأَمَانْ
وْرُوحِي تَعْكَسْ رُوحَكْ مْرَايَا
لَفْرَاقْ يَشْعَلْ فَلْقَلْبْ النَّارْ
وْأَرَا مَا مُورَاهْ مَنْ كْلاَمْ الْعَارْ
آشْ نْقُولْ لَحْبَابِي وَالدَّارْ
فْرَقْتْ الْعَزّْ وْفْرَقْتْ الَعْنَايَا
أَنَا فَالأَصَلْ مَا أَنَاشِي ضْعِيفَة
أَنَا طَبْعِي لْطِيفَة وْظْرِيفَة
مَا نَقْدَرْشْ نْكُونْ فْدَارِي ضِيفَة
تَابَعْنِي طِيفْ يظَلَّلْ سْمَايَا
نَحْلَفْ مَا قَصْدِي نْجَرْحَكْ
غَرْضِي دِيمَا هْنَاكْ وْفَرْحَكْ
إِنَّمَا انْتَ ضْيَاقْ عَلِيَّا جَبْحَكْ
فْنَفْسَكْ مَنْ حُبّْ قْدِيمْ بَقَايَا
إسم الشاعرإسم الكاتبالبلدإسم القسمالمشاهدات
عبد العلي فيلالي بالحاجعبد العلي فيلالي بالحاجالمغرب☆ دواوين الأعضاء .. الشعر العامي540
لاتوجد تعليقات
جميع الحقوق محفوظة لبوابة الشعراء .. حمد الحجري ©