تاريخ الاضافة
الأربعاء، 21 أبريل 2010 08:05:25 م بواسطة المشرف العام
0 399
الهم قصيت له قصه قصيره ونام
الهمّ قصيّت له قصة قصيرة ونام
يافرحة الخافق اللي منتظرك ارجعي
بردان أنا والشتاء ماهو مثل كل عام
العام كنتي معي والحين منتي معي
ياغايبة ماقصر دربك وطال الخصام
حبيّت أوصيّك بغيابك عليك اسمعي :
لاتفتحين الستاير لو عشان الحمام
وإن شفتي الورد صدفة عوّدي وازرعي
مليون جرح بخفوقي وإن وصلك الملام
قولي لهم هو قبل مدة جرَح اصبعي
تعذّري بأي عذر من الطفولة مدام
قلبي رضى بالجروح ودائماً يدعّي
إنه بخير بغيابك وإن حاله تمام
وإنتي ليا شفتي إنه مستريح أوجعي
حبيبتي مافي هذا الحب حاجة حرام
في ذمّتي بس غيبتك الحرام , ارجعي
بردان أنا والشتاء ماهو مثل كل عام
العام كنتي معي والحين منتي معي
إسم الشاعرإسم الكاتبالبلدإسم القسمالمشاهدات
عبدالرحمن الرويسعبدالرحمن الرويسالسعودية☆ دواوين الأعضاء .. الشعر العامي399
لاتوجد تعليقات
جميع الحقوق محفوظة لبوابة الشعراء .. حمد الحجري ©