تاريخ الاضافة
الأربعاء، 21 أبريل 2010 08:16:31 م بواسطة المشرف العام
0 400
وحشتني
الكلمة اللي ماتجـي مسموعـه
وحشتني ) وتقولها بميوعـه
تقول أحبك بس أحـب أخونـك
وأقول حبَّيني أنـا ومجموعـه
بس المهم إني أنا أسمع صوتك
لاتقطعيـن الصـوت يالدلوعـه
صوتك يشتَّتني قبـل يجمعنـي
اليا سمعه القلب ضمّ ضلوعـه
من انقطع صوتك وأنـا أتنهَّـد
وأصبحت أجاهد عبرتي واللوعه
ياللي فقدتـك وانقطـع جوالـك
عاشقك وش بتفيد كثر دموعـه
مانيب باكي بس مانـي ساكـت
بأنشر وصوفك في كذا مطبوعـه
وأروح وأنشر في دول أوروبـا
وأقول شقرا والجسم مربوعـه
تسمع لأبو نورة محمـد عبـده
وتحفظ لستَّ الكل كم مقطوعـه
وأسلوبها تطغى عليـه الحكمـة
ولاهيـب لاتتبـع ولا متبوعـه
وان جت بتضحك تضحك بعفوية
وياشين أهل الضحكة المصنوعه
فقدتهـا تكفـون لاشفتـوهـا
قولوا حبيبك ماهتنى باسبوعـه
سواح يبحث عنك بيـن العالـم
إلين صار اسمه في كم موسوعه
من يوم غبتي صار عقله غايب
وشانت طبوعه بعد زين طبوعه
حاول يشوفك بس كيف يشوفك
وأكثر طرق أهل الهوى ممنوعه
حبيبتي.. ترى السفر والجفـوة
ماهي طريقة فالهوى مشروعـه
ما قلت لك يامبعدة عن عينـي
لاتقطعيـن الصـوت يالدلوعة
وان كان في قلبك حبايب غيري
خلاص حبيّـني أنـا ومجموعـه
إسم الشاعرإسم الكاتبالبلدإسم القسمالمشاهدات
عبدالرحمن الرويسعبدالرحمن الرويسالسعودية☆ دواوين الأعضاء .. الشعر العامي400
لاتوجد تعليقات
جميع الحقوق محفوظة لبوابة الشعراء .. حمد الحجري ©