تاريخ الاضافة
الأربعاء، 21 أبريل 2010 08:18:51 م بواسطة المشرف العام
0 416
عاجبك يعني
مابي سوى شي واحد منك يالغالي
أرسل رسالة وطمنـّي عن أحوالك
ماتدري إني أضيق وينشغل بالي
لاغبت عني زمن أو غاب مرسالك
ومن كثر ماشوف طيفك دايم قبالي
ومن كثر ماني أحبك وأعشق وصالك :
ماعاد باقي رسالة وسط جوالي
إلا هي الحين موجودة في جوالك
أشتاق لك وأنت ماتشتاق لوصالي
عاجبك يعني يموت الحب بإهمالك
جرّب ولو يوم وأسألني عن احوالي
حتى ولو كنت أنا ماجيت في بالك
شف كيف ابفرح وأبقهر كل عذالي
شف كيف يحيي سؤالك عاشقاً هالك
ياكثر ماشلت هم غيابك لحالي
شل هم خفـّاق شال همومك وشالك
قلبي من العام لاداله ولاسالي
صبحه أبد مافرق عن ليله الحالك
معقول مالي مكان فـ قلبك الخالي
والنوم يحرم لعيني وأنت يهنالك ؟
وأنا اللي أذكرك في حلـّي وترحالي
وانا اللي أشعل شموعي وآتحرى لك
ولاعاد باقي رسالة وسط جوالي
إلا هي الحين موجودة في جوالك
إسم الشاعرإسم الكاتبالبلدإسم القسمالمشاهدات
عبدالرحمن الرويسعبدالرحمن الرويسالسعودية☆ دواوين الأعضاء .. الشعر العامي416
لاتوجد تعليقات
جميع الحقوق محفوظة لبوابة الشعراء .. حمد الحجري ©