تاريخ الاضافةتاريخ التعديل
الأربعاء، 21 أبريل 2010 08:20:26 م بواسطة المشرف العامالأربعاء، 21 أبريل 2010 10:23:23 م
0 332
يا زايد !؟
يازايد البارحة يدّي على خدّي
ماوافق الهمّ ينساني ولو ساعه
كنت أحسب الشوق بس أيام ويعدّي
وأثره ملكني وقلت السمع والطاعه
لوكنت عايش زمن جدّي وأبو جدّي
ماشلت جوّال وأنطر رفع سماعه
ولاكان صارت مسافات اللقاء ضدّي
وماكان شفت الفراق بكل أوضاعه
يازايد أربع سنين الحظ متردّي
ياليت للحظ شرّايه وبيّـاعه
البارحة بين ودّي لا مهو ودّي
قلت أنهي الشوق والذكرى بولاّعه
دام اللقاء والوصل ماهوب في يدّي
ليه أتعب القلب وأشكي كثرة أوجاعه
مابه ولاشخص عاشر هالحزن قدّي
إلين صرت أعشقه وأبكي على وداعه
يازايد البارحة يدّي على خدّي
ماوافق الهمّ ينساني ربـع ساعة
إسم الشاعرإسم الكاتبالبلدإسم القسمالمشاهدات
عبدالرحمن الرويسعبدالرحمن الرويسالسعودية☆ دواوين الأعضاء .. الشعر العامي332
لاتوجد تعليقات
جميع الحقوق محفوظة لبوابة الشعراء .. حمد الحجري ©