تاريخ الاضافة
الأربعاء، 21 أبريل 2010 08:27:30 م بواسطة المشرف العام
0 433
جتني إضافه
على ماسنجري جتنـي اضافـة
وأنا من عادتـي فينـي لقافـه
قبلت الدعوة وقلت أنت من هو
وش أسمك كان مافيها كلافـه
وردّت لي وهي تكتب بالأحمـر
أنا حرمـة ومـدّت فالمسافـه
أنا إيمان مـن دولـة شقيقـة
وقلت أهلين وأبديت الضيافـه
هلا بالـورد ياأهـلا وسهـلا
هلا باللـي يسـوّون الكنافـه
هلا بك آمـري سمّـي وقولـي
ابي أخدمك لو هو شـي تافـه
وردّت ماأبـي خدمـة ولكـن
ابتناقش معك حـول الثقافـه
وبنت الناس ذي قامت تسولف
وأنـا حبّيتهـا والحـب آفـه
تسولف عن شهر زاد وشظايـا
وتتكلّم عن عيـوب الصحافـه
ورحت مغيّر الموضوع وأدخـل
في موضوع الهوى، قالت سخافه
وقلت شلون؟؟؟ عنتر حبّ عبلة
وقالت طيـر ياعمّـي خرافـه
أنا غلطانة أصلاً يوم أضفتـك
وسوّت لي حظر بعد الإضافـه
إسم الشاعرإسم الكاتبالبلدإسم القسمالمشاهدات
عبدالرحمن الرويسعبدالرحمن الرويسالسعودية☆ دواوين الأعضاء .. الشعر العامي433
لاتوجد تعليقات
جميع الحقوق محفوظة لبوابة الشعراء .. حمد الحجري ©