تاريخ الاضافة
الأربعاء، 21 أبريل 2010 08:30:38 م بواسطة المشرف العام
0 394
فيراري
الغالي اللي غـاب ويـش أخبـاره
اللي في يوم العيـد مالـه طـاري
لو ماتعـذّر لـي أعـرف أعـذاره
واتوقع إنهـا جـدّ مثـل أعـذاري
القلـب بيتـه والضلـوع ديــاره
وهو الوحيد اللي يعـرف أخبـاري
الغالـي اللـي لاطلـع مــن داره
ونادى على السواق جـاه اجبـاري
يحتـار وش يختـار أي سـيـاره
بـي أم لكـزس جاكـوَر فيـراري
وركـب وقـال لسايقـه مشـواره
يقـرب لـه المشـوار كنّـه داري
وليا طلـع اجتمعـوا أهـل الحـاره
كلن يقول أثر القمر هو جـاري ؟؟
والبعض يبغى بـس لفـت أنظـاره
والبعض يدعي (( أحفظه يالباري ))
ماقـد سـأل عـن قيمـة النظـاره
لامن بغى له شي 00 شاري شاري
ولاقد سأل عـن قيمـة الاسـواره
عشرة ملاييـن الحسـاب الجـاري
تكفـون ياللـي تعرفـون أخبـاره
هو ليه في هالعيد مالـه طـاري ؟؟
أمر الجفا اللـي ماقـدرت إنكـاره
يبـيـن بعيـونـي قـبـل لاداري
إسم الشاعرإسم الكاتبالبلدإسم القسمالمشاهدات
عبدالرحمن الرويسعبدالرحمن الرويسالسعودية☆ دواوين الأعضاء .. الشعر العامي394
لاتوجد تعليقات
جميع الحقوق محفوظة لبوابة الشعراء .. حمد الحجري ©