 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| الَغْرَامْ أَيَمَّا دَوَّبْنِي |
| مَا رَاعَى ظُرُوفِي وْلاَ سَنِّي |
| أَسَعْدْ مَنْ كَانْ مْهَنِّي |
| وْمَا دَايَرْ لْلغْرَامْ حْسَابْ |
| لَغْرَامْ أَبْنِيّْتِي مَكْتَابْ |
| شْحَالْ مَنْ قَلْبْ مَنْ حَرُّو دَابْ |
| سَوَّلْ لَمْجَرَّبْ وَقْرَا لَكْتَابْ |
| وَسْتَافَدْ مَنْ غِيرِي وْمَنِّي |
| أَيَمَّا لله وَاشْ الَغْرَامْ كْذُوبْ |
| وَايْلاَ صَحّْ كِيفْ مَنُّو لَهْرُوبْ |
| لْقَلْبْ وْلَعْقَلْ تَيْوَلِّي مَسْلُوبْ |
| وَحْبِيبِي فِيهْ جَنِّي وْ جْنُونِي |
| هَذْ الشِّي لِّي مَا قْرِيتْلُو لَحْسَابْ |
| وَالسُّؤَالْ لِّي مَا لْقِيتْ لِيهْ جْوَابْ |
| مَا تَنْفَعْ مْعَاهْ يَارِيثْ وْلاَ مَصَّابْ |
| اللهْ يْكُونْ أَبَنْتِي فْعَوْنَكْ وْعَوْنِي |
| أَيَمَّا قَالْ جَايْ خَاطَبْ رَاغَبْ |
| سَقْسِيوْ عَلِيهْ وْهَذَا وَاجَبْ |
| لا تْحَكْمُو عَلِيهْ حْكَامْ الْغَايَبْ |
| أَوْ عْيُونُو مَا تَنْظَرْ عْيُونِي |
| دَابَا عَرَفْتْ أَبَنْتِي شْنُو رَبِّيتْ |
| وَلِّي رْضِيتِي بِيهْ أَنَا بِيهْ رْضِيتْ |
| لِيهْ الْحَمْد أَبْنِيّْتِي عَلِيهْ حْدِيثْ |
| دَابَا عَادْ نّْعَسْ وْنْغَمَّضْ جْفُونِي |
| وَالِدِيهْ أَيَمَّا نَاسْ تُقَاةْ مْلاَحْ |
| شْغُلْهُومْ الذِّكْرْ وْعَمَلْ الصّْلاَحْ |
| مَايْعَاشْرُو مَا يْعَرْفُو نَاسْ قْبَاحْ |
| هَذَا مَا شَفْت وْمَاعَرَفْتْ فْمَظْنُونِي |
| رَبِّي يْكَمَّلَّكْ بْعَقْلَكْ وَكْمَالْ الدِّينْ |
| وَيْغَطِّيكْ بَسْتَرْوَرْضَى رَبِّي وَلْوَالْدِينْ |
| يْكُونْ رَزْقُو حْلاَلْ وَخَّا يْكُونْ مَسْكِينْ |
| وَبَاشْ رَادْ لِيكْ اللهْ هَكْذَاكْ تْكُونِي |
| الصّْلاَ وَالسّْلاَمْ عَلَى رْسُولْ اللهْ |
| وْلاَ جَاهْ إِلاَّ جَاهْ سِيدْنَا مُحَمَّدْ |
| اللهْ مْعَ الجَّاهْ الْعَالِي |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
