عناوين ونصوص القصائد   أسماء الشعراء 
الشعراء الأعضاء .. عامِّي > السعودية > بركات الشمري > مساكين
بركات الشمري
بركات الشمري

السعودية

مشاهدة
808

إعجاب
0

تعليق
0

مفضل
0

الأبيات
0
إغلاق
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

مساكين

والطريق ..
كم بكاني يوم .. جافاني الرفيق .!
كم ندهني يوم ..
بعيوني تضيق:
كل هالدنيا .. الوسيعه!
وعمري الذابل .. ربيعه ..
وصدر من قالوا: صديق!
والرحيل ..
كم يلوّح لي ورى .. الهم ْ الثقيل!
كم صرخ لي ليلك الليلة .. طويل!
والشقا .. درب ومسافة!
والمسا .. مخلوق آفه!
وصبري الباقي .. قليل!
والغياب ..
كم طفل ٍ ... داخل احشائي .. أذاب!؟
كم جرح ٍ .. ماسلم منّه ..
وطاب ..!؟
كم يعلمني .. أحن ّ!
واطلق آهاتي .. واون ّ!
واكتب .. بدمعي .. ال عذاب!!
بقّيت لي بغياب روحك . مساكين!
. عيني .. وقلبي والأمل . والأماني!!؟
كنّ الثواني في غيابك سكاكين!
. ليتك تذوق شوي طعم الثواني!
القلب ماهو قلب والعين مو عين!
حتى مكاني ماأحسّه مكاني!
شفني على جال السهر أنطرك لين!
حسيت بان الجال يصفق عشاني!
مديت قلبي! قبل لاآمدّ يدّين!
وطلبت كلي! . قلت: جالك هذاني!
قلّي دخيلك بس ابلقاه من مين!؟
. من غيبتك بلقاه!؟ أو من زماني!
والحين شفنا وين!؟واحلامنا وين!
ضعنا اندوّر للسعادة مواني!
وش بيننا!؟ إلا التعب واسود البين!؟
. وشي ٍ لعب في حسبتي .. واحتواني!
كل شي بكاني من غيابك إلى اللحين!
حتى عدوي! من غيابك بكاني!!
ماعاد تفرق جرح واحد!وجرحين!
. الموت واحد له عذابك خذاني!
ياصاحبي يكفي غيابك وبعدين!؟
ماخفت ربك بس أنت وزماني!؟
بركات الشمري
بواسطة: ملآذ الزايري
التعديل بواسطة: ملآذ الزايري
الإضافة: الأحد 2011/05/08 11:45:46 مساءً
إعجاب
مفضلة
أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق

أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
من نحن
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com