تاريخ الاضافةتاريخ التعديل
الخميس، 29 سبتمبر 2011 11:01:44 م بواسطة المشرف العامالخميس، 29 سبتمبر 2011 11:05:11 م بواسطة المشرف العام
0 2002
العام اخذت البيرق
لعام ... خذت البيرق وصدت العقاب
يوم الرجال حلوقها من دون ريق !
اسرجت شعري والجماهير الزهاب
وسنادي بلاد , وولد عم , وصديق
وحولت فالوادي وهو دونه ضباب
مدري ورى الوادي مطر ولا حريق !
كم فارسٍ ودّه يحوّل غير ... هاب !
يستوحش الماخوذ لاشاف المضيق
اقدمت والفرسان ترتاب وتهاب
اجرّي الهيّاب .. واقزّ الطريق
ومثّلت داري بالقصيد وبالجناب
من الشمال .. الى العديد .. الى العريَق
ترابها بالحسّ ماحسّه تراب
وحزومها تسوى الزمرّد والعقيق
ومثلت راية من تلين له الرقاب
صليب راي .. وكفو .. وحجاجه طليق
ممشاه للعليا ذهاب بلا أياب .. !!
الشيخ أبو مشعل حمد علمٍ دقيق
ومثلت كل الشعب من شايب .. وشاب
بدو .. وحضر .. تاريخنا عزٍ عريق
ومثلت ربعٍ فالوغى مخلب وناب
( مريةٍ ) تاريخنا ماهو لفيق
حن مزبن اللي لا يجار ولا يثاب
وحن فزعه اللي ذودهم راحت وسيق
أقدامنا جبال وعمايمنا السحاب
وامجادنا تشبه سهيل إلها بريق
ومثلت ( يام ) بكبرها والانتساب
الى ( بني همدان ) نجم له شعيق
الله خلقنا سيلٍ متونه هضاب
كل السدود يحطها حبٍ دقيق .!
شاركت متوكّل على منشي الحقاب
وحزامي من الشعر والعدّه يضيق
وطرقت بيبان القوافي باب ... باب
وقدّمت ماشفتوا جميع انه يليق ؟
وحشمت أذانيكم عن إسقاط الخطاب
ورقيت بايدكم على قمّة طويق
ووعدت داري بالفخر قبل الكتاب
ووفيت بأمر الله بالعهد الوثيق
وسترت بافعالي مزيّنة الخضاب
وقهرت عدواني ونومست الرفيق
ولطم بعيري شوط واحد للركاب
يقوم راس وينتهي ماهو زريق
ومن كفّ ابوخالد تسلمت النصاب
من كفّ من عينه على القمة تويق
شيخٍ يروم المجد ويروم الصعاب
خلّى الشعر من نومة الغفلة .. يفيق
واليوم لا والله شفت القاف شاب !
صار الشعر كوره وكلٍ له فريق !!
وضاع الهدد بين الحديّا والغراب
وضاع الصهيل مكرمين من النهيق
الا الرجال اللي قصايدهم عِذاب
اللي لها معنى بها حسٍ رقيق
لا تشعل الفتنه ولا تطرد سراب
ولا يرقّع ما نقصها بالزعيق
بس العرب معاد تدري بالصواب
ماميّزوا ويش الزفير .. من الشهيق
من جاب ضيعه ... قيل : شوفوا ويش جاب !!
أنشهد انه جابله معنى عميق !!!
الذيب كانه ( ذيب ) ؟؟ ... يدرع فالذياب
يخلّي الخرفان للضبع العويق .. !!!!
ماجيت انافس جيت دعمٍ للشباب
وفوزي دمه عاده على القمه يريق
إسم الشاعرالبلدإسم القسمالمشاهدات
محمد بن فطيس المريقطر☆ شعراء العامية في العصر الحديث2002