تاريخ الاضافة
الإثنين، 4 يوليه 2005 06:54:22 م بواسطة حمد الحجري
0 2236
بالي
لا تدعك القلب ترجي يظهر المارد
ويقول لبيك عبدك باح مكنونه
قنديلك اللي انطفى ليل الشتا البارد
سيان عنده وفيت او توك تخونه
ترجّل الفارس اللي لاجله تطارد
يازين شلفاك ملت تطعن طعونه
كل ماحداك الضما جيت الضما وارد
كنك تعاف القراح وتشرب عيونه
شاب العتب وانقطع ما بينناالوارد
ولولا الندم ما غرس فـ ابهامه سنونه
والحزن سيف على ارقاب الفرح جارد
وكل بسمةٍ في ديون الصبر مرهونه
إن صادفك في طريقك بالي الشارد
قله يموت الهوى .. باعيش انا بدونه
جميع الحقوق محفوظة لبوابة الشعراء .. حمد الحجري ©