إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
إلى الأديب الكبير محمد جبريل |
زى نهر النيل
|
بينشر دعوته فدادين حياه |
والخير على الشطين |
بيرسم ضحكته |
نجمة وطوقْ |
مصراوى تلمح |
من جبينه النورْ |
واسكندرانى اللحن والموالْ |
*** |
عديت على قلبك |
لقيت الطيبة تنده لى |
وناديت على عقلكْ |
لقيت الحكمة والآداب |
يا أديب وشاعر بينا من قلبك |
وساكن جوه نن العينْ |
وخدانا موجة حب |
من نبضكْ |
وموزَّعه كنوزك |
على الشطين |
يا أبو قير قل لى: |
كان هنا غواص |
عايش يدور |
فى المحار ويجيبْ |
ييجى ألف قصَّه |
للوطن والناس |
ويلاقى فيهم نفسه كل لبيب |
قال لى: ده عاشق للصخور والناس |
والبحر غيَّه |
والقليب ونَّاسْ |
رجعتنى لأيامه ليه يا غريب؟! |
ده منين ما تسأل |
هتلاقى له أساسْ |
*** |
يا عم بشرْ |
البشر يا سيدي |
يا سيدى جابر |
إجبرونا يا ناس! |
قال لى: ده بحرى |
وشطُّه ف الحكاياتْ |
عديت على بحرى |
وجاتنى النسمه من بحرى رباعياتْ |
سمِّيت عليكْ |
بِشْباكي بنده لك |
صادتنى نجمه واقفه ف الشبَّاكْ |
شبك الهوى قلبين |
ومد الموج |
يودينى هنا وهناكْ |
قلت لها:اسمك؟! |
قالت: يا أبو الطيبْ |
أنا ماريا و عينى بحر هواكْ |
قلت لها: فينه؟ |
قالت لى: والمرسى |
لتقول لى إنتَ و دلِّنى ويَّاك! |
قلت لها: راجل |
اسمه نهر النيل |
قلمه ف قضايا للأدب نلقاه |
وقلبه ندوه |
وجرن للعصافير |
وعينيه |
جنينة النزهة والأسماكْ |
قالت لى: إحلف |
قلت: أنا صادق! |
قالت لى عارفه |
يا أبو قول ما أحلاه |
عايزاك، تقول لى بصدق ما تخبِّى |
جبريل ده أصله بشر |
فى الدنيا و لاَّ ملاك؟! |
*** |