إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
*** |
م النهارده يا حبيبتى |
هازرع الأحلام فى أرضك |
تطرح الأحلام سنابل |
والسنابل |
هاهديهالك |
باعشقك طولك وعرضكْ |
*** |
قلبى نبته من ترابك |
والتراب يا أميرتى منه |
كان أبونا |
زعفران مع تمر حنه |
توته جنب الساقيه جنه |
فوق غصونها إنت ِيمامه |
واليمام يعجبنى صوته |
منظره هادى |
ولكنُّه |
عاوز الحريه دايماً |
وأنا والله لما شوفتك |
جاتنى نبضة من وريدى |
قالت الأيام فى قربك |
قوس قزح |
جانى فى عيدى |
ما تقوليش حريه قلبى |
عاشق القيد الحديدى |
*** |
م النهارده |
يا حبيبتى |
إبتدا بينا الكلام |
بعد هجر سنين طويلة |
مش هانحكى فى اللى كان |
المهم إن إحنا نبقى |
حلم واحد |
فى الزمانْ |
*** |
يا حبيبتى م النهارده |
حلمنا أصبح حقيقه |
حلمنا مش بس صُحبه |
وانتِ أكتر من صديقه |
حلمنا آدم وحوَّا |
يدخلوا الجنة البريئه |
*** |