 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| إلى روح صديقى عابدين مرسى |
| كان النهار مخنوق |
| وشمسه مدغمسه |
| ويونيه |
| خانق جتتى |
| ممنوع تبحلق فى السما |
| أصل الكسوف |
| مكتوب على |
| وش الحليوه المُغرمه |
| قالوا القمر |
| عدَّى عليها إتحجبت |
| *** |
| قالت إذاعتنا وإذاعات الدِّول |
| اللى يبحلق |
| يتعمى |
| خافوا البشر |
| ماشى لوحدى والطريق |
| مليان حُفر |
| القطر فاضى |
| عدَّى جنبى |
| اللى ياما فيه ركبت |
| وكنت دايماً |
| باتحشر |
| *** |
| جاى لك يا صاحبى |
| والحنين |
| عَمَّال ياخدنى لسكتى |
| رمل الطريق |
| عاشق لِلَمْسِة خطوتى |
| عشرين سنه |
| من صُغر سنِّي باعرفك |
| فين اللقا |
| متخبى ليه؟! |
| وسايبنى أقاسى ف وحدتى |
| فاكر يا صاحبى |
| لما كنا |
| تلميذين؟! |
| ياما كنت شاطر فى الغنا |
| كنت بتغنى لحليم |
| والحلم دايماً |
| ضمِّنا |
| وأنا كنت أقول لك |
| قول كمان |
| غنى يا صاحبى وطير بنا |
| للنجم |
| لجزيرة بعيدة |
| للخيال |
| خبَّط ونادى ع البيبان |
| صحِّى اللى ساكن |
| صدرنا |
| *** |
| عارفك يا أبو حُمُّص |
| وعارف سِكتك |
| بين المزارع والغيطان |
| رُزَّك بيضحك للى راجع |
| يحملك |
| قُطنك بيتمايل عيدان |
| الفرحه وخدانى |
| وسابقه خطوتى |
| وف عزبة الجَرَادات رايح لك |
| يا اللى شاغل قصِّتى |
| القلب زاد النبض |
| والفرحه ف خدودى |
| والسِّن راسم ضحكتة |
| هاخدك فى حضنى |
| وأبوس عينيك |
| أمسك إيديك |
| خبَّطت بابك |
| جانى واحد مش عارفنى |
| قال لى عزِّل |
| راح لأبوه |
| خمسة حارة الآخرة! |
| *** |
| من يوم ما مات |
| ساب لى دمعى |
| وذكريات! |
| *** |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
