تاريخ الاضافة
السبت، 2 ديسمبر 2006 02:19:12 م بواسطة د. جمال مرسي
0 1215
مفيش مانع
مفيش مانع
.. مفيش مانع
ما دام تقدر تقول بالشعر كلمة حق
مادام تقدر تقول ال..لأ
ما دام قلبك شجاع ما يخافش من ظالم
و تقدر بالحروف تنسج كلام جامع
و مهما يحيدوك ترفع جبينك فوق
و تمضي ف. سكتك دوغري
و مش راجع
لحد ف. يوم ما تتحقق
آمال دايماً بتسعالها
بقلب جرئ ما هوش مايع
و مش لازم
يكون عندك سلاح ابيض
لسانك عند ما تعوزه ..سلاح ابيض
سلاح مؤلم
سلاح يقتل عدو من غير ما يسفك دم
و اوعى ف. يوم تكون يائس و لا مهتم
مادام تقدر تدك الظلم يا شاطر
و في عالم من الروعه
تكون طاير
و بالشعر الجميل لله تكون شاكر
اكيد لازم تكون شاعر
و كل الناس هتقرالك
و كل الناس هتسمعلك
و تبقى ف. نجمك الساطع
ساعتها نقول ..مفيش مانع
~ شعر العامية ~
إسم الشاعرإسم الكاتبالبلدإسم القسمالمشاهدات
جمال مرسيجمال مرسي عاميمصر☆ دواوين الأعضاء .. عامِّي1215
لاتوجد تعليقات