تاريخ الاضافة
السبت، 2 ديسمبر 2006 06:22:10 م بواسطة د. جمال مرسي
0 1137
بلاش الظلم
بلاش الظلم
بلاش الظلم
ليه تقسى و تتجنى
و قلبي يوم ما حَبّك داق
معاك كل اللي يتمنى
و عمره ف. يوم ما خان عهدك
و لا قبلك و لا بعدك
و دايما كان يصون ودك
لُقانا كان قدر مكتوب
لُقا جمّع عقول و قلوب
و تيجي بعد ما شِِلتك
في قلب القلب و النني
تقول خنتك
حرام القسوه مين يرضى
بظلمك مين ؟
و مين يرضى ضياع قلبين
جمعهم حب في الجنه ؟
بلاش تظلم و تتجنى
***
قالو لك ايه عوازلنا
و ليه تسمع كلام حاسدين و تظلمنا
و من امتى و انا بايع
و لما أنده
تغيب عني و مش سامع
و لما احلف انا راجع
تقوللي ابعد
و روح دوّر على امبارح
تلاقي هناك كتير غيري بيستنى
و مين قالك بإني رخيص
ببيع قلبي عشان لحظه
و مين قالك بإني ممكن اتهنى
بعيد عنك
تقوم تظلم و تتجنى
*****
صحيح حبيت حنان قلبك
و دوقت كتير نعيم قربك
و كنت بدوب و أتلاشي
في سحر عنيك
و تسكرني بلمس اديك
صحيح قلبي مهوش ملكي
صحيح حبك مجنني
لكن جوايا عزة نفس تقتلني
و عندي صوت ضمير صاحي و لا نمشي
و اقدر من عداك أمشي
طريقي و سكتي وحدي
و لكن قبل ما أمشي
اقولك كنت اتمنى
بلاش تظلم و تتجنى
شعر العامية
إسم الشاعرإسم الكاتبالبلدإسم القسمالمشاهدات
جمال مرسيجمال مرسي عاميمصر☆ دواوين الأعضاء .. عامِّي1137
لاتوجد تعليقات