اذهلتني يـوم صوبـي مقبلـه=شفت موتي بين غدران و ظلال
لو بلّف الكـون كلّـه بأكملـه=البسيطه متن و سهول وجبال
ما رأت عيني جمـالٍ يخجله=من جماله يختجي الكون الجمال
التدلّـل مـن دلالــه دلّـلـه=فيه مدلـول الجمـال بـلا دلال
جل من صور جمالـه و كمّلـه=كامـلٍ حسنـه و للّـه الكمـال
حدر داجٍ فـوق متنـه ينشلـه=ناثر القصّه على قوس الهـلال
واللواحـظ كالسيـوف مسّللـه=كنّ يلعب بالهدب موج الشـلال
قلت له دمي لكـم مـن حلّلـه=والتزم بالصمت ما ردّ السـؤال
وش حيلتي و الرمـاح مظلّلـه=لا حول عندي و لا عنها محال
الضمير بنـار كبـرى تشعلـه=بإنّدفاع الحب و ردود الخيـال
من غلاه الروح طـوع مذلّلـه=في الخوافي لا يحول و لا يحال
له طروق الشعر فكري مذهلـه=منّهله و أرويه من غـزرٍ زلال
أنسج المعنى حـروف مرتّلـه=من طرايف شرّد بوحي و الخيال
و أشكي آلام الجروح المدملـه=نالها قلبي و هو صعب المنـال