يا حسبي الله على لبّاسة الكبّوس = لبس الشمغ والعقل ما هو لهم رزّه .. !!
حبّ الخشم بدّلوه بْـ(هاي) والا (بوس) = تحيّة المسلمين الحين ما تْفزّه .. !!
أرجلهم اللي يحلّق شاربه بالموس = ماتت عوايدْه يوم الشارب يْجزّه
يْملّسون الشعر .. وينتّفون الروس = لو تنتصي فيه (تكفى ) .. تبطي تْهزّه
يْميّعون الكلام الحين بالمعكوس = متميّل ٍ بالمشي ويخافك تْكزّه
ما همّه اللي يسب اسلامنا ويدوس .. !! = والله ولا همّه المقدس ولا غزّه
كذّاب منهو يقول ان الرجا ميئوس = الهادي الله وياتي نصره بْحزّه
ربّي طلبتك تعدّل وضعنا المنكوس = يا رب تهدي الشباب وْ دينك تْعزّه
إسم الشاعر
سيف الخالدي
إسم الكاتب
سيف الخالدي
إسم القسم
شعراء العامية في العصر الحديث
تاريخ الإضافة
الخميس 23 أغسطس 2007 01:05:18 صباحاً
عدد المشاهدات
328
نبذة عن القصيدة
كتبت في تاريخ 7/2/2006م الموافق 8/1/1427هـ الموافق الثلاثاء