ضاقت وساع الفيافي والوعد متن السفينة
للطريق اللي دعاني بعد أمـان الله وأمانـه

لا تنادينـي وصونـي قلبـك الله لا يهينـة
لا يراهن في رجوعي لجل مايخصـر رهانـه

ليه مرحل عن غرامك بعدما ذقـت الغبينـة
أذكر لي شيء واحد يستحق أقعـد عشانـه

الهـوى الغـدار حـد الله مابينـي وبينـة
والرجل لاخير فيه إن ماحفظ قدره وصانـه

يوم قلبـي ماعصـاك ولاقدرتـي تذبحينـة
ليه خنتي فيه وأنتي معه من نفس الديانـه

كان ذبحي بيدك أرحملي من اللـي تفعلينـة
وإن طلبتـك تذبحينـي ماذبحتينـي لعانـه

كل جرح مـن جروحـي تذكرينـه تنكرينـه
كن مالك في نزيفـه يـد خانـت بالأمانـه

ينزف الخافق تواضع لين لطختـي جبينـه
وإلي أنا ماكنت أبيها توصل حـد الأهانـه

قلت من باب الميانـه صاحبـك وتعذبينـه
لعن أبوك أرخي شـوي ماصـارت ميانـه

طعت عقلك يوم قيل إن العقل بالبنت زينـة
لكن الشره علي إن كنت أحسب إنك تكانـه

من بعد ماكنتي أنتي في حشاي أغلي سجينه
بوعدك أبطلق صراحك وأتهمنـي بالأدانـه

كيف أبنسي ربي اللي ملهم القلب السكينة
مثل ماعانه بقـرك لانـوي فرقـاك عانـه

مزعل لأجلك البندري رجت عقـول رزينـة
وإن تهادت بالطريق الجرهدي تزهر جنانـه

كانت أول من تحكم في فـروع الياسمينـة
وإن تعدتهـن تثنـن خيزرانـه خيـزرانـه

بعتها لأجلك وصارت لأصغر طرافـك رهينـة
وإلي هي لفتت هدبها تغمرك ثقـل ورزانـه

ماقتنعت أن الخيانه للرجـل تلـوي يمينـه
لين ربـي بعثـك وذقـت طعـم الخيانـه

أسمحيلي مابقـي فينـي مكـان تطعنينـه
وأقبلي من جوف قلبي كل عطفه وأمتنانـه

والله الله في عذابك بتركـك عينـك بعينـه
دلليه ولايـرده عـن شقـاك إلـي لسانـه

وإلي أنا قررت أسافر وأمتطي ظهر السفينه
لأن مابه شيء واحد يستحق أقعد عشانه