تاريخ الاضافة
الجمعة، 8 ديسمبر 2006 10:40:51 م بواسطة د. إبراهيم أبو زيد
0 1356
ايوة كان
ايوة كان
كان ياما كان.... حلم زمان
مـــرّ علينا ف ليل حيران
لف شوارع قلبى الطيب
وعشـــان قلبى كان غفلان
فتــــح البابْ وبطرف جناحه
ســــرق النوم والحلم كمان
***
كانوا زمان لينا وكنا
أشجار حُبْ جوّه الجنّه
بعد سنين اشواق هُنّا
والافراح صبحت احزان
مر علينا صبـــــاح وصباح
من غير نور ولا افراح
واحنا ف بحر دموع وجراح
والامواج قسوة وحرمان
***
قلبى يا واحة حب ونور
ليه الحزن عليك بيدور
خدت دموع الدنيا بحالها
وانت ضعيف بجناح مكسور
جفف كل دموعك فوق
بكره اكيد الدنيا تروق
بكره حتخرج بره الطوق
لما يبان للنور عنوان
شعر العامية
إسم الشاعرالبلدإسم القسمالمشاهدات
إبراهيم أبو زيدمصر☆ شعراء العامية في العصر الحديث1356