تاريخ الاضافة
الجمعة، 8 ديسمبر 2006 10:55:41 م بواسطة د. إبراهيم أبو زيد
0 1300
قول يا زمان
قول يا زمان
قولها معايا وعيد يازمان
شجر الحب طرح احزان
شوف الورده ان خلعت توبها
حيبان شوكها على الاغصان
***
قول يازمانى معايا وبوح
قلب العاشق طير مدبوح
قصة حب حروفها خطايا
ماده جذورها وساكنه الروح
قطفت اجمل حته فى قلبى
زرعت دمعة ونار بركان
شوف الورده ان خلعت توبها
حيبان شوكها على الاغصان
***
ياللا ياقلبى اسمعنى وتوب
قبل مايبقى عليك مكتوب
كل اغانى العشق بتشكى
بكّتْ ياما معانا قلوب
نار الحب ياقلبى سيبها
نرجع زى ماكنت زمان
شوف الورده ان خلعت توبها
حيبان شوكها على الاغصان
شعر العامية
إسم الشاعرالبلدإسم القسمالمشاهدات
إبراهيم أبو زيدمصر☆ شعراء العامية في العصر الحديث1300