عناوين ونصوص القصائد   أسماء الشعراء 
شعراء العامية في العصر الحديث > مصر > محمد أسامة البهائى > شنقانى

مصر

مشاهدة
1495

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

شنقانى

شنقت
اخر مرة شربت شنقت
ف حلقى العطش المالح
فاض وغرقت
اندلت من احشائى دموعى زى البنت
اندلئت منى فى بير
السر غويط
وكتمت
فى عز الحسرة
دموعى ووجعى وجوعى
كل عيون الأرض شايفها الا دموعى
قاد الفرح شموع الأرض وطفا شموعى
ما كانش بطوعى
فقرى وجوعى
وما أتعلمت
رحت مدارس
وقلت هامارس عيشه واعيشها
لكن خبت
خبت
وخيبة الراجل
مين يسترها غير القرش
بيت بحيطان وسقف وكرش
كل ما أسد ف شق بيطلع كرش
وأنا ما انكرش
ان عيونى حبت تحلم
سبتها تحلم يمكن عشت
عشت وشفتنى منى اتفركشت
فركش فرفش
مين ويايا ومين الضد
اللي بانيت له أول خلق الله بيهد
بعد ماكره كل العالم فيه إيه ها يجد
ماعِرفش ياخدني تحت بطاطه معاه ويمد
مرة اتنين تلات مرات قلنا أكيد هايسد
عرق النحس يجيب الفقر وغصب بأ مد
ماكانش ف قلبى
لبكره الجاى دليل ع الود
وادينى باأعد
ف حظى
كسير
م الجرح
أنت هاتقدر تكسر لقمة تاكلها بملح
بس اولادك كاسرين قلبك مليون جرح
مع تحيات محمدأسامة البهائى
محمد أسامة البهائى

قصيدة بالعامية المصرية
كتبت بالقاهرة 17/11/1993
التعديل بواسطة: محمد أسامة
الإضافة: السبت 2006/12/09 06:50:45 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com