يا غارسين السيف في قلب طفلة |
ورماحكم تسقط في روس المعالي |
وخيولكم في مجمل الخيل جفله |
وعلى صغير السن قيد وغلالي |
أجيالكم (ذ) اليوم في يوم حفلة |
فرح ارقصوا يا قوم يا هم لآلي |
أحدٍ سهر(ه) الليل والعين وجله |
وأحدٍ يغدي الناس وأحدٍ يلالي |
وأنا خنعت الرأس ذا يوم فشله |
ما دام أخوي اليوم غولٍ غدالي |
وألا النفود اللي انبنت كل خذله |
نزجر ننادي مهمهٍ من يبالي ؟! |
يا ساريٍ بالليل للذيب حجلة |
وتهادنت بالليل روس السلالي |
وتلاطمت بالشم أمواج عجلة |
ما عدت أميّز يمنها من شمالي |
متناثرات انجوم بالنفس غفلة |
هذي سواري الليل وألا شعالي |
يا طفلة الحرمان بالحرف خجلة |
سال .. الدمع بالشوق غيم وظلالي |
وتهادنت للشوق والشوق هج.. له |
والشوك في دربي منعني عدالي |
وأنا طلبت الحق ميزان عدله |
دام أمطرت بالخير روس الهمالي |
يا نظرة الحرمان يا قلب طفلة |
هذي سيوف العدل نُور المعالي |