تاريخ الاضافة
الخميس، 14 ديسمبر 2006 03:00:39 ص بواسطة محمد أسامة
0 3417
حياتى
حياتى
******
الأوله آه . والتانية آه . والتالتة آه
الأوله: مصر ، قالوا ( تونسى)) ونفونى
والتانية: تونس ، وفيها الأهل جحدونى
والتالتة: باريس ، وفى باريس جهلونى
ـــــــــــــــــــــــــــــــــــــ
الأوله: مصر ، قالوا ( تونسى)) ونفونى جزاة الخير
والتانية: تونس ، وفيها الأهل جحدونى وحتى الغير
والتالتة: باريس ، وفى باريس جهلونى ونا موليير
ـــــــــــــــــــــــــــــــــــــ
الأوله: مصر ، قالوا ( تونسى)) ونفونى جزاة الخير وأحسانى
والتانية: تونس ، وفيها الأهل جحدونى وحتى الغير ماصافانى
والتالتة: باريس ، وفى باريس جهلونى ونا موليير فى زمانى
ـــــــــــــــــــــــــــــــــــــ
الأوله : شربتنى من فراقها كاس بمرار
والتانية: آه فرجتنى ع الجمال ينداس ياخسارة
والتالتة: ياناس ياريتنى كان لى فيها ناس واداره
ـــــــــــــــــــــــــــــــــــــ
الأوله: أشتكيها للى أجرى النيل
والتانية: دمعى عليها غرق الباستيل
والتالتة: لطشت فيها ممتثل وذليل
والأوله آ
والتانية آه
والتالتة آه
***************************
***************************
من ديوان على الأرغول
بيرم التونسى
***************************
***************************
إسم الشاعرالبلدإسم القسمالمشاهدات
بيـرم التـونسىمصر☆ شعراء العامية في العصر الحديث3417