تاريخ الاضافة
الخميس، 14 ديسمبر 2006 03:46:00 ص بواسطة محمد أسامة
0 1143
فكر فى اللى أختـــــارته
فكر فى اللى أختــارته
****************
كل حبيب يتهنى لو رضى بنصيبه
لاكلمة هاتوديـه ولا كلمة تجيبه
اللى هايرضيك راح يرضى حبيبك
هايرضى بالمحاسن هيدارى عيبك
ماهو فى الأول وفى الأخر حبيبك
هوا نصيبك وأنت نصيبه
فكر فى اللى أختارته وقدر
حلو ومر علينا متقدر
قبل ماتندم ندم الدنيا
وتآسى ليالى عذابها بيكبر
***************
خاف م العشق وسهره وليله
ياما غنيت للناس مواويله
قبل ماتسهر ليل ورا ليل
دا اللى أتهنى رضى بقليله
ماتحكمش فى عشقك ناس
دا كل قلب وليه أحساس
ولكل حب معياره و وزنه
قبل ماتبنى أرمى أساس
وماتسمعش كلام الناس
فكر فى اللى أختارته وقدر
حلو ومر علينا متقدر
قبل ماتندم ندم الدنيا
وتآسى ليالى عذابها بيكبر
**************
نادى حبيب القلب نادى له
بالأخلاص والود أوفى له
قبل ماتشكى لحد أشـكى له
أفتح قلبك قول وأحكى له
هاتلقا فى رده العمر آمان
هاتلقى فى طيبة قلبه حنان
دى الشكوى لمين ماتسـوا
لحظة من غدر الزمان
وما تسمعش كلام الناس
فكر فى اللى أختارته وقدر
حلو ومر علينا متقدر
قبل ماتندم ندم الدنيا
وتآسى ليالى عذابها بيكبر
************
همك منك مين هايشيله
ألا اللى ف نن العين بتشيله
زى ماصانك صون فى جميله
لو هاتخطى بلاد أمشى له
دى الأيام مافيهاش سعادتنا
لحظة بلحظة همومها خدتنا
ليه هاتزيدها آسيه وجرح
أخدت ياما كتير ما أديتنا
وما تسمعش كلام الناس
فكر فى اللى أختارته وقدر
حلو ومر علينا متقدر
قبل ماتندم ندم الدنيا
وتآسى ليالى عذابها بيكبر
***************************
محمد أسامة البهائى
**************************
قصيدة بالعامية المصرية
إسم الشاعرإسم الكاتبالبلدإسم القسمالمشاهدات
محمد أسامة البهائىمحمدأسامةالبهائىمصر☆ شعراء العامية في العصر الحديث1143