تاريخ الاضافة
الجمعة، 15 ديسمبر 2006 02:13:01 م بواسطة د. إبراهيم أبو زيد
0 1479
لما سألتك
لما سألتك
لما ســـــالتك قلتى افكر
ليه النبضة بقت تتأخـــر
ولا دا قلبك عقل بيحسب
امتى حيكسب .أمتى ح يخســــر
***
لما ســــألتك عن احلامك
قلتى مانمتش انسى سؤالــك
حتى نـــهارى كله مشاغل
أحلم صاحية؟ ..شوف اوهامـك
شمسك دايما ليه فى المغــرب
يومى معاكى نهاره بيقصر
ولا دا قلبك عقل بيحـــسب
امتى حيكسب .امتى ح يخسـر
***
لما ســـــالتك انت معايا
ياللى غرامك هـــو منايا
شفت فى عينك شئ م الحيرة
خرجت منى حاجات جوايا
حــسيت انك مركب ماشية
جوه البحر بتبعد اكتــــر
ولا دا قلبك عقل بيحسب
امتى حيكسب .امتى ح يخســــر
شعر العامية
إسم الشاعرالبلدإسم القسمالمشاهدات
إبراهيم أبو زيدمصر☆ شعراء العامية في العصر الحديث1479