تاريخ الاضافة
الجمعة، 15 ديسمبر 2006 02:15:19 م بواسطة د. إبراهيم أبو زيد
0 1304
لو عاد حبك
لو عاد حبك
لو عاد حبك كنت افــــــــــكر
انى احبك اكتر واكتــــــــــر
لكن قلبك زاد فى خداعه
هــــــز خريفه قلبى الاخضر
قلبى اتعلم من اوجــــــــاعه
عمر المر مايصبح ســــــــكر
***
لو دام حبك قالها زمــــــانى
عمرى ماكنت اعيش وحدانى
لكن قســــــــوة قلبك باعت
ذكرى هوانا لعصفور تانى
وعشــان قلبك عاش اطماعه
بيت احلامى كله اتكســـــــر
قلبى اتعلم من اوجاعـــــــــه
عمر المر مايصبح ســـــــكر
***
يوم ما طيورك سابت ارضى
دبل الحب فى قلب الزهــره
شفت دموع الشجرة بتنزف
ورقه بورقه زى المطـــــره
قبل مايكسر عمرى شـراعه
سايبك من غير حتى مافكــر
قلبى اتعلم من اوجاعــــــــــه
عمر المر مايصبح ســــــكر
شعر العامية
إسم الشاعرالبلدإسم القسمالمشاهدات
إبراهيم أبو زيدمصر☆ شعراء العامية في العصر الحديث1304