تاريخ الاضافة
السبت، 23 ديسمبر 2006 03:55:01 ص بواسطة جاسم الحجري
0 1248
احساسي
يمر الوقــت يا خلي وأنا بترقــّب خـْطوفك
يبشّر ناظري شوفك وتجمع باقي أوراقي
غياهيب الدهر جارت وأنا متعلق احروفك
متى ترحل بك الهمه تسلي النفس وأشواقي؟
إذا الذكرى تراودني وعيني تحتري شوفك
يا كيف أصبر وأنا حاني وفيني قلب مشتاقي؟!
وإذا بتجاهل إحساسي وخوفي خايف ٍ خوفك
متى اللحظة بتسعدني بشوفك تبشر أحداقي؟
أبا أسري صوبك وأحزم متاعي وأنتجي جوفك
وأريّـح شـوقـي بوصلـك وأدلـل قلبــك الســاقي
وألامس بالحلى قلبك وكفي يحضن كفوفك
يسلي خاطري قربك.. يطفي الشوق بأعماقي
وأذوق الشهد والزمزم ونرجس طيفك بروفك
وأحطك في مدار العين وأشوفك لحظة أبراقي
أنا المشتاق يا خلي وشفي عاشق شـْفوفك
وعنك ما قـدر سـاعة ولا قلبي بعد طاقي
وإذا دار الوقت لحظه وأنا بتـذكر وصوفك
أطيب فلحظة إحساسي وجوي رايق ٍ راقي
عسى يا مهجة فوادي تداوي قلب محبوبك
تخـف الوجد من روحي ونورك يطوي أشواقي
إسم الشاعرإسم الكاتبالبلدإسم القسمالمشاهدات
جاسم الحجريجاسم الحجريعمان☆ دواوين الأعضاء .. عامِّي1248
لاتوجد تعليقات