تاريخ الاضافة
الأحد، 24 ديسمبر 2006 04:14:06 ص بواسطة محمد أسامة
0 1234
عزة نفسي
عزة نفسي
*******
غاوية أحلام النخل أحلامى
تعلا بي لمراجيح الريح
والسواقى القلابه
قلابه
حادثات الزمن الغلابه
لقمه
وكسوة
وحبة فرح
وشئ م العقل
يشييد فييا حصن منيع
إيه ؟
الإنسان ؟... غير صرح
مش دم ولحم وعيشه
طير فى ريح وريشه
جلد وعضم .. وتحويشه
وفوركيشه
نهايته في قعر القفه
يحملها خفيف الريح
ويـزوفها
يسقيها
مرارة عزوفها
ويا طولة بالك
وأنت بتشوفها
بتـتسـرسب منك السـنين
ماتملكش للي فات
ولا للى جاى حنين
*****
احلام كتير فاتتنى للأيام
وبهرب فى صرحى م الأوهام
وببات شامخ
فى عزة نفسى
مانكسرش ، وأقبل.
مانكسرش
واستكين بيأســي
أشب للمدى على فوق
أميل للعشق والشوق
شوق النهى والبدايات
ويا عالم ببكره والجايات
هالقانى وأنا بواجه موتى
لساني الصرح اللي بنيت
ولا ؟
حصاد اللي عانييت
الأرض لفت بى ولفيت
ياما رحت وياما جيت
جوعت و شبعت وحفيت
أتعفرتت وأتهدييت
حلمت وتمنيت
حلو على مر لقيت
وهديت وبنيت
وصبرت واستنيت
لحد مابقيت
وياريت
تاخدنى ياموت
بس تعيش الكرامة
******************
ـــــــــــــ
بالعامية المصرية
ــــــــــــــ
*********************
إسم الشاعرإسم الكاتبالبلدإسم القسمالمشاهدات
محمد أسامة البهائىمحمدأسامةالبهائىمصر☆ شعراء العامية في العصر الحديث1234