إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
ف اوضه جير |
بحصير |
ف بيت قديم قوى |
وفوق سرير |
ملايتة بفتة مقطعه |
قاعدة بنت |
بجيبة فوشيا |
بلوزة خضرا |
وطرحه لامونى |
متزوقه |
مع شاب هدومه ملزقة |
كلامهم ..... تخيل بقى |
ثم فترة وشوشة |
طارت معاها الهدوم |
وباظت فيها المكيجه |
بعدها |
طبقين عاشورا |
وكيس فشار |
ف اوضه زيت |
ف بيت جديد |
وفوق سرير |
ملايتة حرير |
قاعدة بنت |
ببيجامة شورت |
بيضا |
منقطة بكحلى |
مكياج بسيط |
خصلتين ع القوره |
باختصار اموره |
مع شاب متمخطر ومتغندر |
مش ده المهم |
اللى جاى هو المهم |
بحبك |
بحبك |
بعدها ضحكتين م القلب جد |
م اللى نوعهم لا يصد ولايرد |
ف اوضة |
فى قصر كبير |
اسطورة من الاساطير |
وفوق سرير |
فرشه ريش نعام |
قاعده بنت |
بروب مثير |
مكياج رقيق قوى |
واجمل ما فية رقته |
مع شاب وسيم وقيمه |
نجم من نجوم السيما |
نظرتين ناعمين |
كلمتين طعمين |
سخن الحنين |
بعدها كان العشا |
وازازة |
وسرفيزين كفيار |
ثلاث اوض |
الحالة واحدة |
الرغبة واحدة |
حدوتة واحدة |
بتبتدي بحبة بكلام |
وبتنتهي بحبة غرام |