إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
وانا باخد حبه كراريس |
من روبابيكيا عم خميس |
اعملهم زينه لرمضان |
استغربت قوى لعنوان |
مكتوب على اول كراس |
اعترافات خاصه بابليس |
قلبت ف صفحه اواتنين |
خضتنى جرأته ف عناوين |
خطفتنى من اول كلمه |
ولحد الصفحه العشرين |
اللى انا جاى مخصوص علشانها |
وبحفظ فيها بقالى يومين |
واللى بادءها وكان بيقول |
وانا راجع من شغلى امبارح |
متضايق وهاطق حزين |
علشان خاطر سيدنا القبض |
سعادتة مخسعله ف قرشين |
وده علشان مولانا الحافز |
سابنا وهاجر من سنين |
وبعد وكفاح ونضال وعناد |
وعذابى اليومى كالمعتاد |
ركبت بنصى المدعو شمال |
جناب اتوبيس ستة وعشرين |
اما النص التانى ياخال |
والمكتوب ف العهده يمين |
سيادتك بقى سيد العارفين |
عايزك تفهم مغزى كلامى |
من غير ما نخش ف تدبيس |
أولاموخذه لاتفكر يعنى |
انى بوقع أو تسويس |
اللى سمعته ياخال دلوقت |
اعترافات للواد ابليس |
مكتوبه ف ورقه كراس |
من روبابيكيا عم خميس |
والمليانه بالكراريس |