إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
كان نفسى اكون شاعر |
اركب بساط الحرف والاحساس |
واجوب دروب القلوب |
وادوب ف الناس |
ارسم بشعرى ايد |
تطبطب على كتاف الحوارى |
شفايف تبوس ايدين الغلابة |
صرخة ف وش الديابة |
ماهو ملعون ابوه الشعر |
ان ماحسش يوم بالناس |
وكان سحابة |
تكسر غضب الشموس |
وتمسح بالحنين |
من جبين المطحونين |
دموع العرق |
كان نفسى اكون نبى |
ادوق طعم الوحى والالهام |
تبقى لى معجزات وايات |
اعلم الطيور ازاى تقرا البراح |
وميلاد الرغبة |
ف بدن الصوت |
وازاى تكسر هذا السكات |
وان محدش امن بيا |
فمش قصتى |
اهو يبقى ضمنت اسمى |
ف كشف الجنة |
مع الداخلين بدون سؤالات |
كان نفسى اكون غيرى |
مصيرة مش مصيرى |
لكن سؤال بسالة لنفسى |
ياترى ده حلم؟ |
ولا اعتراض |