 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| زى كل يوم |
| الساعه سبعه الصبح |
| باقوم م النوم |
| تلطش ايدي فى الكوابيس |
| لحد ماتوصل للمنبه |
| حاجتين ف حياتى ماكرهتش قدهم |
| الصحيان ف السقعه بدرى |
| وصوت المنبه |
| احاول افتّح ف عيونى |
| أذق ف رجل مراتى واحاول أقوم |
| يافتاح ياعليم |
| أتمطع كالمعتاد |
| فتقولى مراتى على نيلة ايه |
| اضحك بعبط وكأنى مش فاهم |
| أدخل ع الحمام واسمع موالها اليومي |
| هو انتوا ايه عفاريت |
| ولا عود كبريت ف البيت |
| اتسحب بشويش وانا نازل |
| ليشوفنى جارنا التحتانى |
| مادفعتش حق الوصلة من شهرين |
| وبعتلى بدل المره، اتنين، عشرين |
| كيس الفول من عم فؤاد |
| والأهرام من كشك وداد |
| وتعدى ساعات الشغل تقيله |
| غياب الحاج سعيد خلّي دم الشغل تقيل |
| وانا ماتعودتش ابص ف اى ساعات |
| بظبط نفسى ع الادانات |
| فى صلاة العصر و يادوب بنسلم |
| رن موبايلى .... خير |
| أيوه ياستى |
| ماتتأخرش وهات وياك دسته ونص جاتوه |
| الناس هيصلوا العشا وهايجوا |
| واختى كريمه بتشكر قوى فى الواد |
| سامعنى ماتتأخرش |
| يااااه .. ورطه بجد |
| دى الندوةهى كمان بلّيل |
| وانا أصلى كاتب حاجه جديده |
| يعنى خلاص حبكت ع اليوم ده |
| احسن حل اقفل فى موبايلى |
| واحضر ندوة أمل عامر |
| وربنا يهدى مراتى . |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
