إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
بايخة ...... |
بشكل مالوش مثيل |
رخمة ..... |
وكمان دمك تقيل |
ماتستغربيش |
وهدى نظرة عينيكى حبة |
وماتعمليش م الحبة قبة |
رتلتلك قران |
فكيت طلاسم سحر |
ومشيت ف ضلك |
كما يوسف افسر الاحلام |
وباقيت امام |
ربابجى ولا جابر |
غنيتلك ثومة وحليم |
وسهرت طول الليل متكلفت بضيك |
عملت مشخصاتى |
ورقصت زى شكوكو بالية |
ياما ضحكّت وياما بكّيت |
على باب عيونك |
وقّفت القمر حارس |
دخلت فيكى ميت معركة |
وبعترافك ..... |
خرجت انا الفارس |
لطمعت |
ولا اتمنيت |
لفيت بعشقك على قد عمرى ماجاب |
صارت حروفى للعاشقين حجاب |
باقيت سيرة |
بنيتلك فيها الف بيت م الشعر |
وف حوارى العشق |
والحواديت |
توجتك اميرة |
ورضيت |
ان روحى تكون اسيرة |
واستنيت |
حضنك ياخدنى ف الحظة المثيرة |
اللى بستناها من الف عام |
لحظة مارخّى جفونى بالشوق والغرام |
عشان اشوفك لو حتى لحظة ف المنام |
يمكن اتجرء واقول كل الكلام دة |
لكن انتى |
بايخة بشكل مالوش مثيل |
رخمة ....وكمان دمك تقيل |