إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
مش فاضل ع الدور كتير |
يادوب نقلة .. يمكن نقلتين |
الملك ف النزع الاخير |
تفتكرى هتكسبينى؟ |
هتقدرى تدخلينى؟ |
ولا هتقرينى من برايا بس |
عيونك بانوراما ورادار |
بس قلبك مستحيل يحس |
مهما وصلتى م القدره ع التعبير |
وبقيتى تؤام لكل الخلق والاشياء |
ودخلتى باب التجربه بهواكى او مرغمه |
وصقفوالك ف البلاط الكبير |
مش هتبقى شهرزاد |
حكاياتك ممله ومش هتقنع شهر يار |
باختصار |
على رقعة الشطرنج |
بترتعش اوراد البيادق |
تولدها شهقه الارتعاش، دراويش |
وتبتدي الحضره من القوره |
تسحب عمرها المتسلسل فى الخنادق |
وتختفى ف زحمه الولى |
تتحول البنادق |
لنقله مش محسوبه |
تتغير طلقه الرحمه لحصانى العجوز |
لورده وفستان زفاف |
يتبادلوا الخوف مع الرغبه |
وحين ما ترتعش ملامح نقلتك |
تتمسكن الضحكه فوق شفتك |
تلبسى توب الشهيده |
تعيشى نبض البطوله |
يتحول التشجيع لوسيله الضغط الوحيده |
ساعتها بارفض الاقتناع |
ان السيناريو والمؤامره كلهم من وحى الوزير |
مش باقولك |
مش فاضل ع الدور كتير |
نقله واحده أو يمكن نقلتين |