إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
هو انا كنت ناقص هم جديد |
ياعم سعيد |
تخترنى |
من وسط البشر |
عشان تقولى قصيتدتك الاخيرة |
وازاى وقع القلم منك |
ف المقطع الاخير |
ماالندوة فيها كتير |
شحاتة وحلمى والصاوى وسمير |
ماعنديش اجابات لاستسفاراتك |
الوحى عندى يادوب حبة سطور |
وان كنت شاطر ف التفسير |
فانا مش نبى |
لا مرفوع عنى الحجاب |
ولا ليا معجزات |
وماليش اتباع |
سهل انى يوم اتباع |
انا زى زيك |
ف سوق الحياة مالناش تمن |
هو انا كنت ناقص هم جديد |
يا عم سعيد |
علشان ترمى على ضهرى حمل السؤال |
لاول مرة مااختلفش معاك |
يمكن عشان قصيتدتك ليها طعم جديد |
وصدق تجربتك المرة دى اكيد |
ماعنديش كلام |
واذا كنت كل مرة |
بناقش قصيتدتك وبنختلف |
وكل واحد فينا قافل دماغة |
ومافيش رجوع |
وكأن الرجوع داخل ف حرمة الممنوع |
فالمرة دى المناقشة |
هتبقى بالدموع |
موتك كان زى مطر الصيف |
كان سيف |
حشنى من جدورى |
ملعون ابوة الموت |
ملعون ابوة الشعر |
مادفعش ليه عنك |
وليه سابك وحيد |
رعب الحروف جواك |
وخطف احلى فيك |
روحك |
اللى لسه دايبة ف المكان |
وبتطاردنى بشكل عنيد |
الله يسامحك ياعم سعيد |
هو انا كنت ناقص ف حياتى هم جديد |