إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
مقاطع من ديوان الخيول |
******************* |
* الخيول
|
دبى يا حوافر عنا فى الصمت واتلفتى |
هزى شحوب القمر |
م الضى واتقوتى |
يا خيول نبيله الخطاوى |
دوسى ضلوع المغول |
بلدنا عاشقه الأغانى |
والشعر قادر يقول . |
* الحرف
|
شقيت الصمت |
خدعت الحراس |
إيدى فى إيديها جوال |
أنا عندى قيراط م الأرض |
ونخله وساقيه |
.. جاموسه حلابه |
.. غابه من البوص |
منديل متطرز، بحرير |
اتعشق الصعب وحزنى بقى له روافد |
ورمينا ورا ضهر الأيام .. الوارد |
أتغابى ولا أفهم |
أفهم .. وأقول |
هتقولوا معايا |
ولا أزعق وحديا واروح .. |
أبقى بلا روح |
* السمسار
|
اتمرد رمز الكلمه |
لما شاف الشارع منهوب |
وحدفنى صمتى بالطوب |
أنا ابن الحاره إللى ولادها غربا |
ماشيين فى العتمه بيتصادموا |
رغم نيون الشارع |
بالع أطنان الضى المتلون بحشيش .. أفيون |
اتمرد رمزى المجنون |
وفتح عينى .. ع الحاصل والمكنون .. |
هنا فى شارعنا .. |
************** |
********** |