عناوين ونصوص القصائد   أسماء الشعراء 
شعراء العامية في العصر الحديث > مصر > محمد أسامة البهائى > هاروح للريس

مصر

مشاهدة
1373

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

هاروح للريس

هاروح للريس
*********
حاسس بالبرد يا أما
وبلاد التلج دفا
راجع لحضنك بعد غربه
زادت الرجعه غربه .. وجفا
وحاسس بشئ من جوانا اختفى
دا الغرب واعر يا أما
والشرق
ماعدش بنفس الصفا
***
ياريتك ماكبرت ياولدى ولا وعييت
كان فاتك على دراعى أداديك الننه
وكات أمك عليك مطمئنه
يبقى اللي عند غيرنا عندنا
وبلادنا ياولدى تلمنا
ولاحدش يغيير طبعنا
***
ياولدى
رايح فين والساعه مأخره
رايح فين والمدينه مسكره
مفيهاش غير بالاوى معسكره
ولا صريخ بن يومين... شوارعها
اللى كانت مزنهره
قعدت ترجع وترجع وترجع
لحد ما بقيت ورا
والليل عليك عصي والمقدرة
والمخبرين لازقه بغرة
لو مسكوك فى إنصاص الليالي
هايفتشوك وهايقلبوك
وهاياخدوك بيع و شيرا
ولامين شاف ولامين درا
المخبر من دوول بيعلفوه إفترا
وزى صياد الجوابى يصيد
اللي عضمُُُُُُُُُُُُُُُُُُُُه ناشف واللى ِِِِِِِِِِِِِِِطرا
مرة أبوك شافهم لف وجرا
لاهوا .. راح ع الحج، ولا أنا.. حجيت
وع اللى جرا لى وأنا في البيت
ماسيبش كوم اللحم ويقولوا هجييت
زى عسكر الحرب ولا، سطوة لانجليز
داخلين خارجين طالعين نازلين
أيشى مباحث للأموال
ومباحث للأهوال
ومجسات على شم كلاب
الغرض .، مات أبوك م الأهمال
وكيف أعدل اللى اتعوج بعد مامال
حسرة أبوك زى خيبه لاحمال
ماتزيدش ع الأنجال
كبرت ياولدى خلاص واتحسبت رجال
والرجال
واخدين م الصبر شيمه
وعمر ما ها يبقالنا قيمه
إلا بصحيح لافعال
وربك خالقنا فى دنيا كريمه
بينعم ويرزق ومواهبه عظيمه
ستار ياولدى
بس تفهم الفهيمه.
*****
رايح فين ياولدى والمخروبه مسكره
ولسه بدرى على مانرجع تانى من ورا
الصبح ياولدى هاروح للريس
لساه كبيرنا ومفكر إنه كويس
بدي الصالح م الطالح يفهم ويمييز
هاستناه م الفجريه تحت البيت
عشان رجالته تمييز ظيط من عيط
وأقوله بالمرة ع المخبرين ونطاط الحيط
وخيال المآته اللي باع الغيط ... لمعيط
ودمع العين اللي شيلت وحطيط
بعت عمري عليكو ياولدي و شقيت
هملني ياولد وطالع علينا نهار
ليه تزيد علي هم القلب نار
حد يقول للنخل ليه يانخل عليت؟
ولا يقولو للواطي ليه ياواطي وطيت؟
أنا هاستناه م الفجريه تحت البيت
وشيلاه شيلاه ياأهل البيت
يجى لمعاد وألقانى صحييت.
**********
عامية مصرية
***********
*********
محمد أسامة البهائى
التعديل بواسطة: محمد أسامة
الإضافة: الجمعة 2006/12/29 04:17:26 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com