عناوين ونصوص القصائد   أسماء الشعراء 
الشعراء الأعضاء .. عامِّي > عمان > عبدالله الحجري > الزمان غروب

عمان

مشاهدة
1691

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

الزمان غروب

أسجّ بعيد .. وأتلاقى بطيفك .. والزمان غروب
وأسامر بالوفاء قلبك .. وأعاتب وأشتكي فقدك
خيوط الشمس تحملني سلامن ما حمله مكتوب
وتنثرني وله كلّي .. وأردّ أشتاق لك .. وحدك
توعديني وأنسى الوعد .. وأترك بالحشى لاهوب
ولا منّك نسيتي الوعد .. أجيك وأغصبك وعدك
أسيّل بالدلع دمعك .. ماهو بشوف الدمع مرغوب
ولكن رغبتي الكبرى .. أخلّي إيدي على خدّك
وأمسح دمعك إبكفّي .. ويتغسّل طهر .. وأذوب
وأقول الله على عينك .. وأسمّي عليك .. لا أحسدك
جميله يالجمال إنتي .. تعرفي للقرب .. إسلوب
ولا صدّيتي إبلحظات .. صدّ السعد .. مع صدّك
في رحلة حبنا المجنون وهم طالب .. وهم مطلوب
وهم بحارن ومرسى .. وهم مفقود .. ويفقدك
وهم جارح .. وهم مجروح .. وهم مرفوضن ومرغوب
وهم مشكاي به .. والشاكي .. وإنتي نفّذي حدّك
وهم جلادن .. ومجلود .. وهم سالب .. وهم مسلوب
تخالط كل شيء عندي .. وحصل نفس الأمر .. عندك
قويت أذكرك .. ما أنسى .. وعن حبّك عجرت أتوب
وقلبي الناطق إبحبّك .. يلاقي السعد .. مع سعدك
قوافل حبّك إتسافر .. وشرياني .. يا عمري .. إدروب
وتحمل م البضائع حب .. وتنقل يالغلا .. ودّك
بحربي الطاحنه حبك .. غديت الغالب .. المغلوب
ملكت إلكل إحساسك .. وقلبي .. صار في يدّك
وأنا اللي لا بغيت أهرب .. هروبي إيكون بالمقلوب
بدل ما أهرب بعيدن عنك .. أجىء عطشان .. وأوردك
وأغسل باقي آثامي إشتياقي .. وأرتويك .. إذنوب
وذنبي يا كبر ذنبي غلاك .. إيزيد في بعدك
ترى كل شيء بالعالم .. نسيمه ..يالغلا .. ولغروب
إليك إنتي يسافر بي .. وقلبي .. ما قوى .. فقدك
عبدالله الحجري
التعديل بواسطة: عبدالله الحجري
الإضافة: السبت 2005/07/30 09:42:49 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com