وطــن .. مالي وطــن ثاني .. بحبك أفتخر وأختال |
أنا .. فــوق الثريا ... والفخـر والعـز عنواني |
|
عشقتك يا أغلى إحساسي .. عشقتك نسمه(ن) ورمال |
عشقتك ليل(ن) .. وفجـر(ن) .. جرى عشقك .. بشرياني |
|
عشقتك .. كثـر حبات العرق .. والبـحر .. واليامال |
عشقتك .. وأقسم إنه .. عاشقك .. ماله عشق ثاني |
|
عشقتك تــربه .. وطيبة شعـب .. يا طيبين الفال |
عشقتك موت .... وماني بمكتفي لـــو عشقك أضناني |
|
عشقتك رمل(ن) .. وصحراء .. ونخيل(ن) باسقه .. وجبال |
جرى حــبك بدمّـــي ... يا أعـــزّ ... وأغلى خلاّني |
|
كتبتك حـرف .. ليت الحـرف .. يوفي حق لو ينقال |
جميع الشعر .. ما يسواك ... وصـفك يتعب أذهاني |
|
إذا لحنت أشعاري .. لغيـرك .. يالغـلا مــوّال |
تعرفي ؟! .. إنها تصبح .. نشاز(ن) .. كل ألحاني |
|
أنا ذاك المحب .. المغـرم .. الشاعر .. أنا اللي قال |
أحبك مــوت يا بـــلادي ... وحبك .. مثل إيماني |
|
رسخ حبك .. وما هـــو بحب زايف .. باكر(ن) ينزال |
أحبك لين مـــــوتي ... ومســتعد أفديك بأعياني |
|
أنا واحد من عيالك ... وواحـدنا بألــف رجال |
شـــداد العزم .. ما نخشى .. ونرفض يوم ننهاني |
|
على شأنك نسوم الــروح .. وتـرابك ترى المثقال |
يفـوق كنــوز هالعالم ... ولا تســواه أثماني |
|
عظيمه حيل يا بلادي .. وكل الشعر .. والأمثال |
محال(ن) .. توفي لحقـك ... وحـق القائد الباني |
|
عــمــان وبس .. يا كل الفخر .. يا منتهى الآمال |
بـلاد المـجـد .. والتاريخ ... بها التاريخ يزداني |
|
وطـــن قابــوس .. تاج العز .. بك تتفاخر الأجيال |
وأنا اللي ينتمي لي المجد ... بس لكوني عمانــي |
|
أخذ قابــوس بزمام الأمـور .. وغيّر الأحــوال |
وثب بك للمعالــي .. وثبه(ن) .. يعـداه نقصاني |
|
عسى الرحمن يحفظ قائدك في الحل .. والترحال |
زعيم(ن)..ملهم(ن)..قادر..عظيم(ن)..مخلص(ن)..حاني |
|
وطـــن فوق الثريا ... يحق لي بكل الفخر أختال |
ومنهو قد شخصي .. دام إن عــمــان عنواني ؟!!! |