إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
العمر توب أحلام .. وانا .. |
رحَّال لأطول من سنين العمر |
ضميت لحضني البحر والسموات .. |
ورسمت عنوانك مدى |
كنت اللي ماشي ليكي ضده الآه |
بعيون بتهرب من ضبابك |
كنت أجري .. أجري .. أجري |
استخبى ف ضِلّ صورتك! |
وانتظرتك ..تندهيني بروح جديده .. |
تغزليلي عمر أخضر |
انتظرتك .. |
جوّه روحي تكوني صوت |
يقتل السهد اللي ساكن فيّه موت |
تبتدي تخبيني فيكي .. |
م الملامح لمَّا تنشف .. |
م الدواير لمَّا تحدف .. |
من آهاتي لمَّا تنزف دمع يصرخ ف العروق |
تبتدي تشوفي اللي ساكن في الضلوع |
اللي باين في الدموع .. |
اللي عطشانك رجوع!! |
تزرعي ف قلبي السواقي اِمتزاج بينك وبيني .. |
يجري فيَّه فرح حضنك .. |
تبدريني ف نهر جنه غصن ورد .. |
انتظرتك .. انتظرتك |
ا .. ن .. ت .. ظ .. ر .. ت .. ك .. |
بس ليه ملقتش رد؟؟؟ |
والتقيت حضنك متاهه تلف بيَّه .. |
تحضنيني يجف حضنك |
تعصريني كل مرّه .. ألف مرّه |
تكتبي من بين ملامحك .. ألف لأ .. |
تقفلي ع الفجر بابك .. |
ترفضيني ف اختيارك ع الملأ .. |
وحدي فيكي .. ضعت مني |
رغم إني .. عشت ليكي .. |
فوق مرايتك .. |
شفت نفسي ألف مرَّه .. |
كل مرّه بألف صوره .. |
كل صوره .. |
مش بتشبه ليَّه خالص .. |
غصب عني .. |
مش هَامِدْ ايديَّه تاني لسحر صوتك .. |
مِدِّي إيدك .. ارسميني .. |
ارسمي البرواز لصورتي .. |
حدديني .. |
ح .. د .. د .. ي .. ن .. ي .. |
قبل م الألوان تسيل .. |
من بين ملامحي .. |
وتلاقيني .. |
جوَّه نهر العمر فيكي .... ورد نيل!!! |